Федерацијата на фармерите на Република Македонија, во рамки на заедничката програма со Француската асоцијација на земјоделци за меѓународен развој (АФДИ) поддржана од Асоцијацијата на агенции за локална демократија (АЛДА) организира четири работилници за подобрување на хигиената и квалитетот на млекото за фармери од Република Македонија. Целта на работилниците е да се обезбеди спој помеѓу научните достигнувања и земјоделските практики што ќе води кон подобрување на постапките при млекопроизводството а со тоа кон подобрување на хигиената и квалитетот на млекото во Република Македонија.
По првата средба меѓу двете општини што се одржа минатиот февруари во Крушево, македонска делегација ќе замине на посета во Сен Жам од 21 до 25 септември 2012 година. За време на посетата македонската делегација ќе учествува на инагурацијата на саемот во Сен Масе на 22 септември, а ќе посети историски споменици во Областа Мон Сен Мишел, како и американските воени гробишта.
На 1 септември беше отворен конкурсот за пријавување за обуката на француски јазик за планинарски водичи. Крајна дата за поднесување на досието е 5 октомври.
Документите треба да се испратат до Француската алијанса во Тетово, на следнава адреса:
Во рамките на проектот за подигнување на свеста за приватноста на интернет „Приватност на интернет на лесен начин“, фондацијата Метаморфозис подготви краток анимиран филм „Силеџија“ на тема заплашување на младите преку современи алатки како мобилни телефони или интернет. Целта на филмот е да се подигне свеста кај младите луѓе за сајбер-насилството што е честа современа појава, како и ефектите од него врз жртвата и можните последици за оние што ја користат оваа форма на насилство за да ги заплашат другите.
Од 3 до 6 август 2012 година делегација од Општина Берово, предводена од градоначалникот Драги Наџински беше на официјална посета во Ливаро, Франција. Целта на посетата беше да се официјализира соработката меѓу двете општини преку потпишување на Конвенција за меѓународна соработка. Градоначалникот на Берово, Драги Наџински и градоначалникот на Ливаро, Себастијан Леклерк ја потпишаа Конвенцијата за меѓународна соработка за време на свеченото отворање на саемот на сирење што јубилејно се одржи по 250-ти пат во Ливаро.
Во рамките на соработката меѓу Вевчани и Ерманвил-сур-Мер , локалната невладина организација „ЛИЧНИК“ од Вевчани и локалната невладина организација „MJC INTERCOMMUNALE“ од Ерманвил-сур-Мер започнаа проект за организирање на младински размени. Проектот „Diving the sea- Climbing the mountain“ опфаќа две фази. Во првата и веќе реализирана фаза, десет млади од Вевчани на возраст од 14-17 години престојуваа во збратимената општина од 20 јули до 30 јули 2012 година.
Во рамките на соработката меѓу градовите Дебар и Иф, 24 млади (12 од Македонија и 12 од Франција) ќе учествуваат на камп на Дебарското езеро, во кругот на Центарот за спорт во вода, во периодот од 23 до 31 август 2012 година. За време на престојот ќе бидат организирани разни активности со цел младите да го запознаат градот, културата и традициите. Предвидени се посети на верски објекти, театарот, како и на неколку градови како: Охрид, Струга и Вевчани. Во рамките на престојот ќе се спроведе и еколошка акција за чистење.
АЛДА во рамките на програмата за мултилатерална децентрализирана соработка „Франција-Балкан“ организираше семинар за туризмот во Тетово, во мај 2012 година. За време на семинарот, учесниците и експертите за туризам ја идентификуваа пречката за развојот на планинскиот туризам, но и за туризмот во целина поради фактот што туристичките водичи не познаваат странски јазици.
Како резултат на тоа, Амбасадата на Франција во Скопје одлучи да финансира обука на француски јазик за пет македонски водичи.
Развивање на авантуристичкиот дух, љубопитност и отвореност кон различни култури помеѓу млади луѓе талентирани за новинарство е основна идеја на турнејата низ Балканот која вклучува 30 млади новинари, блогери и фотографи од Франција, Романија, Србија, Босна и Херцеговина и Македонија. Патувајќи низ различни балкански градови од 5ти до 24ти Август, тие ќе изработуваат документарен филм, репортажи, интервјуа и слики.
Во рамките на оската „земјоделски политики“, Федерацијата на фармерите на РМ организира седумдневна посета на Француската земјоделска организација АФДИ со која спроведува проект за подобрување на квалитетот на млекото од 8 до 15 август 2012 година. Во рамките на оваа посета се реализираа неколку средби со сточари и млекари низ повеќе места во Македонија (Тетово, Куманово, Битола и Струмица).
