Млади Французи го откриваат Дебар

Во рамките на соработката меѓу градовите Дебар и Иф, 24 млади (12 од Македонија и 12 од Франција) ќе учествуваат на камп на Дебарското езеро, во кругот на Центарот за спорт во вода, во периодот од 23 до 31 август 2012 година. За време на престојот ќе бидат организирани разни активности со цел младите да го запознаат градот, културата и традициите. Предвидени се посети на верски објекти, театарот, како и на неколку градови како: Охрид, Струга и Вевчани. Во рамките на престојот ќе се спроведе и еколошка акција за чистење.

Носители на проектот се Општина Дебар и Центарот за одржлив развој на заедницата од Дебар, од македонска страна, и градот Иф од Франција. Проектот е финансиран од програмата на Европска унија „Млади во акција“.