Крушево ќе го посети саемот во Сен Масе

По првата средба меѓу двете општини што се одржа минатиот февруари во Крушево, македонска делегација ќе замине на посета во Сен Жам од 21 до 25 септември 2012 година. За време на посетата македонската делегација ќе учествува на инагурацијата на саемот во Сен Масе на 22 септември, а ќе посети историски споменици во Областа Мон Сен Мишел, како и американските воени гробишта. Македонската делегација исто така ќе има можност да ги запознае и структурите во Сен Жам како: социјалното седиште на заедницата на општините, јавниот дигитален простор, градинката за мали деца, депонијата, медијатеката, бирото за туризам и болницата.

За повеќе информации на француски јазик за саемот, посетете го сајтот на бирото за туризам на Сен Жам.