Vëllazërimi i qyteteve

Më 20 qershor 2013 në Shkup u mbajt takim i grupit të punës së komunave nga Republika e Maqedonisë që bashkëpunojnë me komuna të rajonit të Normandisë së Poshtme. Në takimin që ishte organizuar nga ana e zyrës së bashkëpunimit mes Normandisë së Poshtme dhe Maqedonisë në Shkup dhe Bashkësisë së Njësive të Vetëqeverisjes Lokale (BNJVL) kanë marrë pjesë përfaqësues të komunave Karposh, Berovë, Ohër dhe Dibër.

Projekti për korrespodencë mes nxënësve nga Berova (MK) dhe Livaro (FR), në sajë projektit për bashkëpunim të decentralizuar, vazhdon të realizohet pandërprerë. Andaj, më 24 qershor 2013, nxënësit nga Berova dhe Livaro morën diploma nderi për shkresat e tyre. Me këtë rast, kryetari i Berovës ju uroi suksesin të rinjve nga Verova, duke ju shpërndarë diplomat.

Në kuadër të bashkëpunimit trevjeçar mes komunave të Vevçanit dhe Ermanvill nga Normandia e Poshtme, në periudhën prej 23 deri 31 korrik 2013 ishte mbajtur një shkëmbim mes të rinjve nga Ermanvill në komunën e Vevçanit. Dymbëdhjetë të rinj nga Normandia e Poshtme kishin mundësinë të njoftohen me komunën e vëllazëruar maqedonase.

Prej 21 në 25 shtator 2012, delegacioni nga Komuna e Krushevës ishte për vizitë në Sen Zham. Gjatë vizitës, delegacioni, i përbërë nga Kreu i Komunës, Kryetari i Këshillit Komunal dhe Nëpunës nga Komuna, ka vizituar institucionin mjekësor, kopshtin për fëmijë, grupin shkollor dhe deponinë e Sen Zham. Delegacioni maqedonas e vizitoi edhe panairin në Sen Zham. Në edicionin e sivjetshëm të panairit ishin organizuar disa evenimente si: eko-fshat, argëtim dhe ekspozita.

Një delegacion pesë anëtarësh kryesuar nga kryetari i komunës Flori në Orn, Mark Leser, prej 5 deri 9 korrik ishte në vizitë të komunës së Karposhit. Delegacioni ishte zyrtarisht e pranuar nga kryetari i Komunës së Karposhit, Stevço Jakimovski. Gjatë takimit më të gjatë, dy kryetarët shprehën dëshirë të sinqertë për bashkëpunim në më shumë fusha siç janë zhvillimi ekonomik lokal, rinia, kultura, zhvillimi i qëndrueshëm (transport, infrastrukturë dhe ekologji) si dhe demokraci (demokraci lokale dhe barazia gjinore).