Во рамките на децентрализираната соработка меѓу Долна Нормандија и Македонија, Коалицијата на младински организации СЕГА во партнерство со Град Скопје и Регионот Долна Нормандија и Европска куќа од Долна Нормандија го започнува проектот „Креирање на локална младинска стратегија за Град Скопје“. За таа цел на 28 ноември 2012 година, во салата на Град Скопје ќе се одржи конференција на тема: „Политика за млади за Град Скопје“. Град Скопје е веќе член на АЛДА, а преку оваа активност ќе се вклучи во Оската „Млади“.
Коалиција на младински организации СЕГА и Европска Куќа од Каен во периодот од 11 до 13 јули 2012 година организираа семинар на тема „Меѓуопштинска соработка за поттикнување на социјалната кохезија кај младите“ во хотел Глигоров, Струмица.
Во периодот од 09 – 11 јули 2012 година Коалиција на младински организации СЕГА и Европска Куќа од Каен во организираа семинар на тема „Нови пристапи за младинско вработување“ во хотел Глигоров, Струмица. На семинарот учествуваа претставници од институции и организации кои работат на прашањето на младинско вработување од Република Македонија како и претставници од Долна Нормандија, Франција.
Асоцијацијата на Агенции за локална демократија (АЛДА) и Коалицијата на младински организации СЕГА го организираат семинарот: „Патувачки семинар, по стапките на Алберт Лондр низ Балканот“ во рамките на мрежата Франција-Балкан.
Од 9 до 11 јули 2012 година во хотел Глигоров во Струмица ќе се одржи семинар на тема „Иновативни пристапи за вработување на младите“. На настанот ќе учествуваат претставници од институциите кои работат во областа на поттикнување на вработеноста кај младите во Македонија како и претставници од Регионот Долна Нормандија. Целта на семинарот е да се дискутира за актуелната економска ситуација со младите луѓе во Македонија и во Регионот Долна Нормандија.
На 21 и 22 јуни 2012 македонска делегација ќе замине на студиска посета на тема „Полесен пристап или враќање на пазарот на труд“ во Каен, Долна Нормандија. Делегацијата ќе биде составена од претставници на институции кои работат на поддршка на младинското вработување
Во рамките на оската „Млади“ од проектот за децентрализирана соработка меѓу регионот Долна Нормандија и Македонија, на 25 и 26 април македонска делегација составена од Зоран Илиески, извршен директор на коалицијата на младински организации СЕГА, Исен Асани, градоначалник на општина Теарце и Даниела Адамова, раководител на секторот за образование во град Скопје, беше во студиска посета на Долна Нормандија.
На 25 и 26 април, во Долна Нормандија, во организација на Коалицијата на младински организации СЕГА и Европската Куќа од Каен, ќе се одржи студиска посета на тема „Волонтерството како фактор на социјалната кохезија”. На студиската посета ќе земат учество еден претставник на младински организации кои работат со волонтери и еден претставник на општина од Република Македонија.
Во Струмица се одржа семинар на тема европските приоритет и потреби на младите на локално ниво со цел воспоставување соработка на локално, регионално и национално ниво меѓу младите од Долна Нормандија-Франција. На семинарот што го организира Коалицијата на младински организации „Сега“ во соработка со „Европска куќа“ од Каен присуствува претставници на петнаесет општини од Македонија.
Во организација на коалицијата СЕГА, во Прилеп се одржа конференција на тема „нови предизвици во младинското информирање“. На семинарот одржан во периодот од 14 - 15 јуни, земаа учество 15 претставници на локални самоуправи од Македонија, 3 претставници од Младинскиот Информативен и Советодавен Центар ИНФО СЕГА - Прилеп, еден претставник на Европската Агенција за Младинско Информирање и Советување - ERYICA, како и двајца претставници од регионот на Долна Нормандија - Франција.
