Вести од соработката

На 19 јуни 2013 година, претставниците на работната група на градовите во соработката, од Долна Нормандија, одржаа состанок во Каен. Со учество на Регионалниот совет на Долна Нормандија и организацијата Солидарни Хоризонти, општините: Ив, Шербур, Ливаро и Флери-сур-Орн, разговараа за активностите во соработката со градовите од Македонија.

На 20 јуни 2013 година во Скопје се одржа состанок на работната група на општините од Република Македонија кои соработуваат со општини од регионот Долна Нормандија. На средбата која беше организирана од страна на канцеларијата на соработката меѓу Долна Нормандија и Македонија во Скопје и Заедницата на единиците за локална самоуправа (ЗЕЛС)присуствуваа претставници од општините Карпош, Велес, Берово, Охрид и Дебар.

Проектот за допишување меѓу учениците од Берово (МК) и Ливаро (ФР), во рамките на проектот за децентрализирана соработка, продолжува непречено да се реализира. Така, на 24 јуни 2013, учениците од Берово и Ливаро добија почесни дипломи за меѓусебните допишувања. По тој повод, градоначалникот на Берово им го честиташе успехот на младите Беровчани, доделувајќи им ги дипломите.

 

Во периодот од 12 до 16 јуни 2013 година, во рамките на оската „Туризам“ претставници од Центарот за институционален развој – ЦИРа беа во работна посета на Областа Мон Сен Мишел од  Долна Нормандија. Целта на посетата беше развивање и подготовка на Стратегијата за развој на туризмот во југозападниот плански регион во Македонија. Во текот на тридневната посета, експертите од ЦИРа заедно со туристичките работници од Областа Мон Сен Мишел направија целосен преглед на извештајот од проценката на капацитетите на општините од Југозападен плански регион.

Во организација со Градот Каен и Универзитетот во Каен, Институтот за Човекови права и мир го одржува својот најзначаен настан во годината – Универзитет на Мирот, со почеток на 1 јули 2013 година.

 

Министерот за надворешни работи на Република Македонија Никола Попоски, на 26 јуни 2013 година, оствари средба со делегацијата од регионот на Долна Нормандија (Франција), која беше на тридневна работна посета на Македонија, предводена од г-ѓа Ани Ан, Заменик претседател на Регионот и одговорна за меѓународна соработка. Н.Е. Лоранс Оер, амбасадорка на Франција во Македонија, беше исто така присутна на состанокот помеѓу министерот Попоски и г-ѓата Ани Ан.

 

Шестото издание на Фестивалот на француски филм во Македонија, за прв пат се одржа во два града, во Скопје и традиционално, во Охрид. Од 26 до 30 јуни, македонската публика имаше можност да ужива во француските филмови и да се запознае со реномирани француски синеасти.

 

Француската делегација од Регионот Долна Нормандија, предводена од Заменик Претседателот на Регионот Долна Нормандија, г-ѓа Ани Ан, одговорна за меѓународна соработка, ја посети Македонија од 24 до 27 јуни 2013 година. Целта на оваа работна посета е да се направи преглед на билатералната децентрализирана соработка помеѓу Регионот Долна Нормандија и Република Македонија. Програмата за децентрализирана соработка меѓу овие две територии започна во 2006 година.

 

Висока делегација од Регионот Долна Нормандија (Франција), предводена од Заменик Претседателот на Регионот Долна Нормандија, г-ѓа Ани Ан, одговорна за меѓународна соработка, ја посети Македонија од 24 до 27 јуни 2013 година. Целта на оваа работна посета е да се направи преглед на билатералната децентрализирана соработка помеѓу Регионот Долна Нормандија и Република Македонија, која веќе шест години успешно се одвива меѓу двете територии.