Историјат на здружението :

Создавањето на Здружението на Агенциите за локална демократија (АЛДА) во 1999 е резултат на вмрежување на различните Агенции за локална демократија (АДЛ) кои постојат веќе од 1993 година. Агенциите за локална демократија (АДЛ) беа создадени од страна на Конгресот на локални и регионални власти на Советот на Европа. Тие беа создадени со цел да им се помогне на општините опустошени од војната во поранешна Југославија, благодарение на партнерства со градови од Западна Европа.

На крајот од војната на Балканот, акцијата на АЛДА не беше насочена кон помош во кризна ситуација туку зеде подемократска форма, со акцент врз промовирање на меѓуопштинска соработка базирана врз доверба и толеранција. Уште од почетокот, методологијата на АЛДА беше да се воспостават партнерства помеѓу локалните и регионалните единици и НВОи од поранешна Југославија со други локални единици од западна Европа.

Цели на здужението :

Веќе една деценија, АЛДА, од статус на еден мал пилот проект прерасна во важен учесник за демократијата и стабилноста во Југоисточна Европа. Како координатор на оваа мрежа, АЛДА ја олеснува соработката меѓу нејзините 130 члена, 150те партнери на Агенциите за локална демократија (градови, региони и невладини организации) од 25 земји од Европа и 12те Агенции за локална демократија.

АДЛ работат самостојно со цел да можат на најефикасен начин да одговорат на локалните потреби. Тие ги помагаат иницијативите на граѓанското општество и здруженијата предложувајќи обуки и информации. Тие развиваат проекти во следните домени: прекугранична соработка, родова еднаквост, лица со посебни потребни, одржлив развој, локален економски развој, европска интеграција, меѓуетнички дијалог, комуникација и медиуми, млади, малцинства и бегалци.

Покрај тоа што ги координира активностите на АДЛ, АЛДА учествува во барањето на финансиски средства, дава техничка и административна помош на АДЛ, формира екипи, одржува центри за информирање и публикации, ги преставува членовите за време на преговорите со институции или донатори, пред се со Советот на Европа. Благодарение на договорот за соработка со Советот на Европа, АДЛ можат да ги споделат нивните знаења за спроведување на проекти, можат да организираат локални средби и студиски посети. АЛДА има тесна соработка со други меѓународни организации како што се Мрежата на национални здруженија на локални власти на Југоисточна Европа (Network of Associations of Local Authorities of South-East Europe-NALAS), Организација за безбедност и соработка во Европа (ОБСЕ), Европската Унија (ЕУ), Обединетите Нации (ОН), пред сè со Високиот комисаријат за бегалци на Обединетите Нации. И покрај неговото ангажирање на меѓународен план, АЛДА продолжува ефикасно ја реализира првичната цел: промовирање на локалната демократија.

Методологијата на АДЛ забележа голем успех на Балканот. Затоа, во 2005 година АЛДА реши да го зголеми нејзиното поле на дејствување во Јужен Кавказ и да отвори 12та АДЛ во Кутаси во Грузија. Оваа нова Агенција ќе ги насочи своите активности кон обука на локалните власти и граѓанското општество, локалниот економски развој и младите.

Активности на здружението:

Активностите на АЛДА можат да се поделат на 4 различни основи:

1. Агенциите на локалната агенција (АЛД) во Југоисточна Европа и Јужен Кавказ
2. Проектите со неговите членови и партнери (размена на искуства, зајакнување на капацитетите)
3. Техничка помош во Заедницата на независни држави (ЗНД) и земјите во транзиција во Европа
4. Зајакнување на капацитетите и сензибилизација на теми како што се активното граѓанство и добрата локална самоуправа

Тековни проекти

Проекти со АДЛ:
 Млади – вистинската насока
 Заедно – Балканот во Европа, Европа во Балканот
 Проект со микрокредити
 Локален економски развој
 Соработка меѓу Долна Нормандија и „поранешна Југословенска Република Македонија“
 PEARL.EU
 Соработка SPOT/ALDA
 АДЛ Албанија

Проекти со членовите на АЛДА:
 Европа во дијалог со нејзините граѓани
 Emanzipar

АЛДА како партнер во проект (а не пилот проект):
 Граѓанското општество за демократија и еднакви можности во Европа
 COARPA

Пилот проекти:
 Руската Федерација

Други активности:
 Активности во Белорусија

Партнери/Донатори :

300 партнери и членови во 25 европски земји, пред сè локални и регионални власти, невладини организации, универзитети, меѓународни организции и поединци.

Тим :

 Антонела Валморбида, Директор (Стразбург, Франција).
Тел.: +39 335 52 36 341, E-mail: antonella.valmorbida@aldaintranet.org
 Стефанија Ториело, Односи со јавноста и соработка (Стразбург, Франција).
Тел.: +33 3 90 21 45 93, E-mail: stefania.toriello@aldaintranet.org
 Грегоир Фаниер, Проект менаџер (Брисел, Белгија).
Тел.: +32 27 42 01 61, E-mail: gregoire.fanniere@aldaintranet.org
 Станка Параќ Дамјановиќ, Одговорна за партнерства (Суботица, Србија).
Тел.: +381/24 554 587, E-mail: stanka.parac@aldaintranet.org
 Барбара Елија, Одговорна за финансии (Виченца, Италија).
Тел.: +39 04 44 540 146, E-mail: barbara.elia@aldaintranet.org
 Марко Боариа, Задолжен за развој на проекти (Виченца, Италија).
Тел.: +39 0444 540 146, E-mail: marco.boaria@aldaintranet.org
 Александар Балијанга, Сметководител (Стразбург, Франција).
Тел.: +33 3 88 41 30 67, E-mail: alexandre.baliyanga@aldaintranet.org
 Срџан Свииќ, Задожен за европски работи (Брисел, Белгија).
Тел.: +32 27 42 01 61, E-mail: srdjan.cvijic@aldaintranet.org
 Камиј Ганглов, Проект менаџер – Активно граѓанство (Стразбург, Франција).
Тел.: +33 3 88 41 30 67, E-mail: camille.gangloff@aldaintranet.org
 Кјара Страно, Асистент на Директорката (Виченца, Италија).
Тел.: +39 0444 540 146, E-mail: chiara.strano@aldaintranet.org