Risi nga bashkëpunimi

Ministri i Punëve të Jashtme i Republikës së Maqedonisë, Nikolla Popovski, më 26 korrik 2013 realizoi takim me delegacionin e Rajonit të Normandisë së Poshtme (Francë), i cili ishte në vizitë pune treditëshe në Maqedoni, i udhëhequr nga z-nja Ani An, zëvendës kryetari i Rajonit dhe përgjegjëse për bashkëpunim ndërkombëtar. E.S. Lorans Oer, ambasadorja e Francës në Maqedoni gjithashtu ishte e pranishme në takimin mes ministrit Popovski dhe z-nj Ani An.

Një delegacion i lartë i Rajonit të Normandisë së Poshtme (Francë), e udhëhequr nga zëvendës kryetari i Rajonit të Normandisë së Poshtme, z-nja Ani An, përgjegjëse për bashkëpunim ndërkombëtar, ka vizituar Maqedoninë prej 24 deri 27 qershor 2013. Qëllimi i kësaj vizite pune është të bëhet një pasqyrë e bashkëpunimit bilateral të decentralizuar mes Rajonit të Normandisë së Poshtme dhe Republikës së Maqedonisë, e cila gjashtë vite radhazi zhvillohet mes dy territoreve.

Pas vizitës së saj zyrtare Maqedonisë në qershor të këtij viti, z-nja Ani An, zëvendës kryetare e Rajonit Normandia e Poshtme e Francës, u përgjigj disa pyetjeve dhe prezantoi drejtimet për zhvillimin e mëtutjeshëm të bashkëpunimit të decentralizuar mes Normandisë së Poshtme dhe Maqedonisë.  

Në kuadër të bashkëpunimit trevjeçar mes komunave të Vevçanit dhe Ermanvill nga Normandia e Poshtme, në periudhën prej 23 deri 31 korrik 2013 ishte mbajtur një shkëmbim mes të rinjve nga Ermanvill në komunën e Vevçanit. Dymbëdhjetë të rinj nga Normandia e Poshtme kishin mundësinë të njoftohen me komunën e vëllazëruar maqedonase.

Më 12 gusht 2013, Federata e Fermerëve e Republikës së Maqedonisë organizoi një vizitë studimore për fermerët maqedonas në Kosovë. Vizita ishte organizuar në bashkëpunim me IADK (Iniciativa për Zhvillimin e Bujqësisë në Kosovë). Në vizitën studimore morën pjesë 13 fermerë nga rajoni jugperëndimor dhe Shkupit të Maqedonisë. Vizita kishte për qëllim të shkëmbehen eksperienca në pjesën e mirëmbajtjes së higjienës në fermë dhe ushqimi i drejtë i bagëtisë.

Në bazë të vlerësimit të zbatuar për mundësitë, kushtet dhe kapacitetet e komunave nga Rajoni Jugperëndimor të Planifikimit për zhvillimin e Strategjisë për Turizëm, CIRa në periudhën prej 29 deri 31 gusht, në Ohër, ka zbatuar një trajnim “Krijimi i Strategjisë për Turizëm në nivel lokal”. Trajnimi ishte zbatuar nga ana e eksperteve maqedonas për zhvillim lokal dhe rajonal, nga CIRa, z. Zoran Stojkovski, drejtor ekzekutiv dhe z. Zoran Stefanovski, drejtor për financa dhe zhvillim.

Më 8 tetor 2013, në Këshillin e Qytetit të Shkupi u zhvillua debati publik i fundit për propozim-versionin e Strategjisë Lokale për të Rinj të Qytetit të Shkupit, të cilën gjatë vitit të fundit ka përgatitur Koalicionit SEGA me mbështetjen e Qytetit të Shkupit dhe programit për bashkëpunim të decentralizuar Normandi e Poshtme/Maqedoni. Në debatin kanë marrë pjesë kryetari i qytetit të Shkupit, Koce Trajanovski, përfaqësuesi i Agjencisë për të Rinj dhe Sport, Zorica Stamenkovska, si dhe drejtori ekzekutiv i Koalicionit SEGA, Zoran Ilieski.