Во периодот од 8ми до 11ти декември 2010 година, државна делегација од Македонија го посети регионот Долна Нормандија. Делегацијата беше составена од г-н Павле Саздов , Државен секретар во Министерство за информатичко општество, г-н Александар Угриноски од Агенцијата за државни службеници, г-н Бардил Јашари, Директор на Фондацијата Метаморфозис и г-ца Елена Игнатова, проектен координатор во Фондација Метаморфозис.
Оска на соработка: Дигитални технологии
Носители на проектот
Спроведувањето на процесот на децентрализација во Република Македонија бара се поголема вклученост на информатичко комуникациските технологии (ИКТ) за подобрување на учеството на граѓаните во јавниот процес на одлучување и локалната власт. Новите технологии претставуваат движечка сила во воведувањето на реформите во јавната администрација за да се овозможи поголема отвореност на институциите во однос граѓаните.
Се повеќе и повеќе, граѓаните се свртени кон нови форми на информирање. Ова бара поголемо создавање на е-содржини со локални новости.
Политиката на Регионот Долна Нормандија во областа на дигиталниот развој се потпира врз заедничка визија на локалните единици, официјализирани со Стратегијата за регионална кохеренција и дигитално уредување.
Цели
• Подобрување на дигиталните капацитети на локалните заедници во Долна Нормандија и Македонија;
• Користење на информатичко комуникациските технологии (ИКТ) за зајакнување на граѓанското учество во процесот на одлучување и локално управување;
• Создавање на терен за работа преку јавен пристап до Интернет.
Главни активности
• Меѓународна конференција за граѓанското учество преку новите медиуми одржана во Скопје, во 2009 год.;
• Размена на искуства меѓу аниматорите во дигиталните клубови во Македонија и Долна Нормандија;
• Конференција на тема „ Интернет простор и човекови права“ во Каен, Франција 2011 год.;
• Создавање на вики портали за промовирање на содржини на локално и регионално ниво;
• Уредување на водич за користење на вики портали и обука на млади за користење на вики порталите како алатка за промовирање на териториите.
Macedonian
Најнови вести
Pages
Оски на соработката
Институционален развој
Дирекција за дигитален развој на територијата на Регионалниот совет на Долна Нормандија
Фондација Метамофрозис
