Cilësia e qumështit – prioritet i vitit të pestë të bashkëpunimit mes fermerëve

Fermerët francez nga AFDI, z Rishar Deminik dhe z-nja Odil Lebarbenshon kanë vizituar Maqedoninë gjatë periudhës 27 shkurt deri 4 mars 2012. Misionin e tyre e filluan në Shkup, me pjesëmarrje në “Konferencën Ballkanike për Menaxhimin e Kooperativave në kushte të ekonomisë tregtare”, që ishte mbajtur më 28 shkurt. Para fermerëve të pranishëm dhe gazetarëve nga Maqedonia dhe Kosova, fermerët francez prezantuan bashkëpunimin mes AFDI dhe FFRM-së. 

Vizita e punës vazhdoi në Agjencinë për Ushqim dhe Veterinë, gjegjësisht në sektorin për shëndet publik si një prej palëve te përfshira në procesin e përmirësimit të cilësisë së qumështit, që këtë vit është qëllimi kryesor i projektit të bashkëpunimit në boshtin e bujqësisë. Në këtë drejtim, përfaqësuesit e AFDI-it e vizituan qumështoren Zdravje Radovo në Strumicë, gjatë së cilës shikuan kapacitetet prodhuese të qumështores. Në këtë vizitë, delegacioni kishte mundësinë të takohet me përfaqësuesit e njërën prej fokus fermave me të cilat do të punojë drejtpërdrejtë për përmirësimin e cilësisë së qumështit. 

Në komunën e Berovës, fermerët francez kishin mundësinë të takohen me kryetarin e komunës Dragi Naxhinski. Gjatë takimit ishte diskutuar për bashkëpunimin mes komunës Livaro nga Normandia e Poshtme dhe Berovës, si pjesë e bashkëpunimit të qyteteve, por edhe për ardhmërinë e bashkëpunimit që të zgjerohet në pjesën e përmirësimit të cilësisë së qumështit të dhenve dhe prodhimin tradicional të djathit. Vizita në Berovë vazhdoi me një takim pune në kooperativën e kultivuesve të dhenve – Izgrev, që ka mundësi në të ardhmen të bëhet pjesë e bashkëpunimit. 

Vizita e fermerëve francez mbaroi në Shkup me takimin e “grupit të punës” e formuar nga ana e FFRM-së e cila do të punojë drejtpërdrejtë për përmirësimin e cilësisë së qumështit në Maqedoni duke përfshirë gjitha palët e interesuara në procesin e bashkëpunimit (prodhues të qumështit, qumështore, laborator, veteriner, profesor...). Gjatë takimit dy palët shkëmbyen përvojat e tyre dhe sipas modelit pozitiv francez të punës, anëtarët ishin të inkurajuar të vazhdojnë të funksionojnë sipas modelit të tyre për të përmirësuar cilësinë e qumështit në Maqedoni. 

Në të ardhmen, FFRM-ja dhe AFDI planifikojnë të përqendrohen më tepër në punën e fokus fermave dhe zbatimin e trajnimeve për fermerët në teren. Në ndërkohë, fermerët maqedonas do të punojnë në misionin e tyre në Normandi të Poshtme, që në përbërje të përzier prej institucioneve, fermerëve dhe prodhues të qumështit do të vizitojnë prodhuesit e qumështit nga Franca.