Обуки за користење на Wiki.mk во Скопје, Велес и Дебар

Април 2011; Скопје, Велес, Дебар (МК) - Овој месец Фондацијата Метаморфозис одржа обуки за користење на Wiki.mk. На обуките организирани во Скопје (16.04.2011), Велес (08.04.2011) и Дебар (01.04.2011) учесниците се запознаа со Вики софтверот и неговата употреба.

На обуката во Скопје беа присутни активисти од организациите „Плоштад Слобода“, „МОФ“ и „Викимедија“, додека во Велес најголемиот број на учесници беа дел од Фондацијата „Фокус“, Општина Велес и извидничкиот одред „Димитар  Влахов“-Велес. Обуката је вршеа претставници од невладината организација „Викимедија“, кои на посетителите им презентираа како се уредува текст, создаваат врски  и наводи, како и да уредување на мултимедијална содржина, табели, категории и страница за разговор.

На крајот од обуката финалниот производ на учесниците беа уредените статии за Велес и Галичник, според стандардите на Wiki.mk.