Во рамките на соработката меѓу Долна Нормандија и Македонија, се објавува повик за проекти за 2013-2014 година, за активности во Долна Нормандија и Македонија на следниве три теми:
Сеќавање и помирување
Зачувување на културно наследство,
Човекови права.
Предуслов за добивање на финансиска поддршка е проектите да предвидуваат импакт во Долна Нормандија и во Македонија во согласност со предложените теми.
Денес, на отворањето на Регионалните денови на културата во Пелагонија, во Битола, како дел од редовната програма ќе се одржи дискусија со Сенка Атанасова, доктор по филозофски науки и Ирена Цветковиќ, докторант по родови студии, на темата „Музеј на женски приказни”, организирана од страна на Локомотива, во соработка со дебатното кино „Контра-Кадар“.
Делегација од областа на заливот Мон Сен Мишел беше во официјална посета на регионот Пелагонија од 16 до 18 септември.
Се реализираа работни средби на претставници на Мешаниот синдикат на областа на заливот Мон Сен Мишел со претставници на општини (градоначалници и советници) и културни институции од регионот Пелагонија.
Од 22 до 26 септември, градоначалникот на Дебар, г. Ружди Љата како и претставници на Центар за одржлив развој на заедницата на Дебар ќе остварат работна посета во Иф. Посетата е предвидена во рамки на нивниот заеднички проект „Културното наследство – врска помеѓу минатотo и иднината“.
На 25 август Школата за човекови права за млади ги додели сертификатите на 20 македонски и француски учесници. Оваа летна школа организирана од страна на Хелсиншкиот комитет за човекови права на Република Македонија и Институтот за човекови права и мир од Каен кој им овозможи на младите од Македонија и Франција да разменуваат мислења на темата „дела од омраза помеѓу младите по основ на етничка и религиозна припадност“ кај младите.
На 19 август, 20 млади од Долна Нормандија и Македонија учествуваа на официјалното отварање на „Школата за човекови права за младите од Република Македонија и Франција“. Летната школа е на тема „дела од омраза помеѓу младите по основ на етничка и религиозна припадност“. Оваа школа има мултиетнички, мултинационален и мултикултурен карактер.
На 12 август амбасадорката на Франција во Македонија и Ивана Димитровска, шеф на канцеларијата за децентрализирана соработка помеѓу Долна Нормандија и Македонија беа во работна посета во општината Новаци. Таму, имаа прилика да разговараат со градоначалникот за можностите на соработка во областа на образованието, економијата како и културното наследство. Новаци е дел од соработката од 2008 година и водеше проект за вреднување на културното наследство и реновирање на старите рурални куќи.
Истражувањата за проектот „Музеј на женски приказни“ започнаа. Станува збор за интересна програма особено значајна во контекстот на стогодишнината од Првата светска војна и седумдесетгодишнината од Втората светска војна.
Уметникот Алексис Дебеф од Нормандија ова лето ја избра Македонија за својата уметничка резиденција. Културниот центар во Битола е институцијата преку која овој уметник ќе ја извршува својата резиденција во Битола. Активностите ќе се одвиваат во рамките на фестивалот АКТО каде што ќе биде претставено неговото дело, инспирирано од неговиот престој во Македонија. За време на престојот Алексис ќе се запознае со македонската уметничка сцена, ќе има прилика да размени искуства со локални уметници и ќе учествува на фестивалот „ДримОN“ во Струга и „Бош“ во Гавегелија.
