Координација

Денес, на 6ти Јуни 2014 година, Франција и светот слават 70 години од Денот Д, Истоварувањето на сојузничките сили на брегот на Нормандија. По тој повод, на брегот на Нормандија денес се среќаваат светските лидери од земјите учеснички, преживеани ветерани, илјадници жители на Нормандија и посетители од целиот свет кои ќе им одадат почит на војниците кои беа дел од оваа битка. Покрај свечената меѓународна комеморација, се одржуваат низа настани: концерти, изложби, семинари и меѓународни средби.

Спилберг пред неколку години одново ја откри пред големата публика приказната за војникот Рајан и ги доближи случувањата од Денот-Д на плажите во Нормандија преку блокбастерот „Спасувајќи го војникот Рајан. 

 

Туризмот и културното наследство се секогаш актуелни теми во децентрализираната соработка. Со цел да се промовираат градовите во Македонија и нивниот потенцијал на овие теми, организацијата „Солидарни хоризонти (Horizons Solidaires)“ објави издание за Македонија на француски јазик. Во него можат да се најдат статистики, локални примери, интервјуа и други извори на информации за туризмот и културното наследство.

Денес, на 16 мај 2014 година, се одржа јавна дискусија на тема Човекови права, во старата чаршија во Скопје. Оваа дискусија отвори многу важни прашања поврзани со кривичните дела од омраза кај младите од Македонија и од Франција. Во организација на Хелсиншкиот комитет за човекови права на Република Македонија и Институтот за човекови права и мир од Каен, оваа динамична дискусија воедно беше и вовед во следната активност на нивната соработка – Летната школа за Човекови права на младите, која ќе се одржи во август 2014 година, во Македонија.

 

Од 2008 година група професори од средното училиште Мермоз заедно со учениците води проект на тема борбите на Балканот за време на Првата Светска војна.

 

Веќе шест години, тројца професори од средното училиште Жан-Мермоз работат на темелни истражувања за сеќавање на Источната армија, која се бореше на Балканот за време на Првата Светска војна помеѓу 1915 и 1918 година. „Источниот фронт не е доволно познат, недоволно истражувања се направени“, посочува Пјер Бенаби, еден од професорите по книжевност и историја од Вир.

 

Хелсиншкиот комитет за човекови права на Република Македонија и Институтот за човекови права и мир од Каен, ја започнаа својата соработка на темата човекови права, во рамките на децентрализираната соработката. Така, двете организации подготвија јавна дискусија која има за цел да отвори прашања во врска со растечката тенденција на кривични дела сторени од омраза кај младите во Република Македонија и Република Франција. Дебата ќе се одржи во петок, на 16 мај 2014 година, во Скопје.

 

Баруф Оркестар, невообичаената група музичари која доаѓа од Долна Нормандија а, се препознава во музичката традиција на Централна и Источна Европа, го заврши своето музичко патување низ градовите на Македонија. Нивната последна авантура беше изведбата во Могила на 8ми мај.

 

Асоцијацијата на агенции за локална демократија (АЛДА) го има задоволството да ве покани на последниот настан од проектот Working Together for Development кој ќе се одржи на 5ти јуни во Совет на Европа, во Стразбур. Овој настан го опфаќа и анализира поголемиот дел од дебатата која се води во последните неколку години во врска со можноста да се поврзат граѓанското учество на локално ниво и концептот на развој. Земајќи го во предвид започнувањето на новите европски програми по ова прашање, ќе биде идентификувана шема за спроведувањето на програмите.

 

На 4ти мај 2014, во Скопје, Баруф Оркестар го наполни скопскиот ноќен бар Менада. Несекојдневната изведба на традиционалната музика од Балканот ја дигна на нозе целата публика. Така, француските музичари му кажаа довидување на Скопје, каде престојуваа неколку дена. Музичарите од  францускиот регион Долна Нормандија, придружувани од своите македонски колеги, денес ја продолжуваат македонската музичка авантура кон Охрид, Битола и Могила.