Wiki-маратон - работилница и обука

Во рамките на активностите во оската на дигиталните технологии предвидени за оваа година, фондацијата  „Метаморфозис“ и фондација  „Фокус“ од Велес, организираат работилница и настан ВИКИ-МАРАТОН. Велес ќе биде два пати домаќин на овој настан, на 25 април и на 9 мај 2012, во зависност од интересот на учесниците.

Пријавените учесници, кои ќе учествуваат на маратонот, претходно ќе обезбедат свои материјали, во електронска или во печатена форма, за различни теми кои се  значајни во локален контекст (Велес и регионот), но интересни  во рамките на целата земја: споменици, библиотеки, индустрии, компании, ресторани, културни и уметнички друштва, творци, занаетчии... Како дел од маратонот, тие материјали ќе ги објават на порталот wiki.mk.

Тимот на Метаморфозис, пред почетокот на настанот, ќе одржи двочасовна обука за користење на wiki, на која сите заинтересирани учесници ќе можат да дознаат повеќе за објавувањето на собраните информации.