Соработката Долна Нормандија / Македонија активна и во новата три-годишна програма на мрежата Франција-Балкан

На 9 јануари 2014 година, членовите на Програмата за мултилатерална децентрализирана соработка Франција-Балкан одржаа состанок во Париз. На средбата се дискутираше за изминатите активности во рамките на оваа соработка, но посебен акцент беше ставен на продолжувањето на соработката во следните 3 години. Повеќе од 15 претставници на локалните и регионалните власти од Франција, меѓу кои и регионот Долна Нормандија, дискутираа за начинот на кој ќе се продолжат активностите со партнерите од Југоисточна Европа.

 

Соработката Долна Нормандија / Македонија, како активен член на мрежата Франција-Балкан, на состанокот беше претставена од страна на г-ѓата Сабин Гише Лебаји, раководител на секторот за меѓународна соработка и мобилност во Регионалниот совет на Долна Нормандија и раководител на соработката Долна Нормандија / Македонија. „Нашата цел, како партнер во оваа голема платформа, е да ја зајакнеме децентрализирана соработка со Република Македонија. На тој начин сакаме да создадеме синергија со останатите актери од  Западниот Балкан и тежнееме кон подобро разбирање на работата водена од страна на нашите француски колеги. Програмата Франција-Балкан воедно претставува додадена вредност за нашата соработка“, изјави г-ѓата Гише Лебаји, истакнувајќи го интересот на соработката Долна Нормандија / Македонија како дел од оваа мрежа.

 

Благодарение на редовните средби, работилници, обуки, но и студиски посети, оваа мрежа ги поттикнува своите членови да ги соединат своите соработки, напуштајќи го на тој начин стандардниот модел на билатерална соработка. Ова здружување на различни средства, проекти и мрежи овозможи да се меѓугранична соработка со цел да се остварат заеднички цели, а тоа се: зајакнување и стабилизирање на демократскиот процес на Балканот, одржување на мирот во регионот, зајакнување на француските власти и нивно отворање кон соседните региони и секако, поддршка кон процесот за европска интеграција. Во овие рамки, соработката Долна Нормандија / Македонија, преку работата на еден од своите партнери – Метаморфозис, организираше меѓународна конференција во Скопје, во декември 2009 година, на тема новите технологии во информирањето и комуникацијата.

 

Активностите од новата три-годишна соработка на Франција-Балкан, ќе започне со првиот настан закажан во Стразбур, во средината на октомври. Настанот ќе се одржи во исто време со конгресот на Советот во Европа, исто така лоциран во Стразбур.