Заштита на податоците на Интернет: Нацрт-закон на почетокот на 2013 година

 

Дигитален Habeas Corpus 

 

Овој проект - своевиден дигитален Habeas Corpus – го туркаше Франсоа Оланд за време на предизборната кампања. Тогаш, тој зборуваше за создавањето на нови права за граѓаните, кои ќе ги штитат нивните лични податоци.

„Сметам дека можеме да предложиме пред Парламентот во текот на 2013 година, најверојатно во првото тримесечје, нацрт-закон за овие прашања, односно правила со кои би се гарантирала заштитата на личните податоци и приватниот живот на Интернет“, посочи Флеур Пелеран пред Комисијата за економски прашања. И додаде: „Досиејата стануваат се‘ побројни и треба да се уреди обработката на податоците со цел да се обезбеди и одржи рамнотежа помеѓу слободата на изразување, која треба да доминира на Интернет, и заштитата на податоците.“

 

Разгледување со Валс и Тобира

 

Министерката дообјасни дека „разгледувањето“ на оваа тема ќе го прави заедно со министерката за правда, Кристијан Тобира, и министерот за внатрешни работи, Мануел Валс. „Сакаме да работиме заедно со Националната комисија за информатички технологии и слободи (Цнил) и да ги поканиме сите големи платформи на Интернет да ни помогнат да ја подобриме транспарентноста на личните податоци што тие ги поседуваат, како и начинот на кој тие ги обработуваат“, појасни министерската.

Флеур Пелеран потсети „на бројката на неодамнешни инциденти и случувања кои го потврдија нашето убедување“. Таа го наведе примерот со „Гугл“, кој во вторникот беше повикан од 27 европски авторитети за заштита да ги разгледа повторно своите нови правила за доверливост со цел да ги појасни и да им додели на своите корисници поголема контрола врз личните податоци.