Европска куќа од Каен, Долна Нормандија

• Име на организацијата : Европска куќа од Каен, Долна Нормандија

• Адреса : 10 rue de Formigny - 14000 Caen

• Интернет страница : maisoneurope-caen.org

• Тел/факс : +33 02 31 34 54 31

• Лице за контакт : Луиџи Ромилдо (Luigi Romildo)

• E-mail : projets@maisoneurope-caen.org

 

Европска куќа од Каен, Долна Нормандија е создадена во 2004 година. Станува збор за асоцијација која ги промовира вредностите на Европската унија во Долна Нормандија и се залага за зголемување на присуството на Долна Нормандија во Европа.

Во оваа асоцијација членуваат приватни лица, асоцијации, школски и универзитетски институции, општини и јавни претпријатија. Европска куќа од Каен учествуваше во активности за подигање на свеста за време на европските избори во 2009 година преку зближување на младите и граѓаните до европските институции истакнувајќи ја улогата на Европскиот парламент. Во 2009 – 2010 година, спроведе пилот обука за активно граѓанство во Европа, вклучувајќи се во европската програма „Европа за граѓаните“.

 

Подобрување на познавањата и разбирањето на предизвиците на ЕУ и на различните култури кои го сочинуваат европскиот континент.

Европска куќа од Каен, Долна Нормандија претставува платформа на контакти и на информации за населението од Долна Нормандија и европските актери (институционални и граѓански асоцијации) на локално, регионално, национално и европско ниво. Истовремено претставува место за дружење и средби кое има европска димензија и е координирано од страна на екипа на вработени и волонтери кои се отворени за дијалог. Европската куќа од Каен е отворена за сите кои веруваат во иднината на Европа и го делат ваквото мислење.

Европска куќа од Каен работи на зајакнување на чувството на европска припадност преку информирање, дијалог, дебати и давање предлози. 

 

• Ефикасно учество во европското отворање на Долна Нормандија,

• вклучување на физички и правни лица во активности за поддршка на европската идеја,

• анимирање на активности наменети за запознавање на европските земји и европските проблематики,

• доближување на Европа до граѓаните преку информации, контакти, размени, дијалог и дебати,

• помагање во процесот на составување и реализирање на европски проекти, во рамките на програмата „Млади во акција“ и „Европа за граѓаните“,

• воспоставување на врски со европски партнери.

 

Општите активност можат да бидат групирани во 4 дела:

1. Информирање и анимирање (манифестации, изложби, документи);

2. Меѓукултурни средби, конференции и дебати;

3. Поддршка и реализација на регионални европски проекти;

4. Подигање на свеста и обука за европските прашања во општините, средните училишта, асоцијации.