Македонија е мала земја, но толку многу можеме да научиме од неа. Во неколку илјади квадратни километри се содржани 2500 години од богатата историја на нашиот континент. Од Антиката до денес, дел од европската историја и култура се создавал токму тука, во срцето на Балканот, каде се мешале грчки, словенски, отомански влијанија...

Токму затоа, со нетрпение го очекуваме шестото издание на „Балканската пролет“, кое оваа година ја слави богата култура на Македонија.

Десет години по основањето, манифестацијата „Балканска пролет“ прерасна во еден од најважните настани во нормандиската културна сезона. Благодарение на извонредната работа на организаторите и нивната љубов спрема балканските простори, „Балканска пролет“ е позната и надвор од границите на нашиот регион. На се` побројната публика, таа им ги открива културните богатства со кои изобилува ова големо парче од европскиот континент.

Преку културните откритија што ни ги носи секоја година, „Балканска пролет“ ни ги отвора вратите на Југоисточна Европа. Со секоја „Балканска пролет“ се исткајуваат и зацврстуваат врските не само меѓу нашите земји и култури, туку и меѓу уметниците и граѓаните.

Ви посакувам пријатни моменти на уживање во убавата македонска пролет што ни доаѓа !

Г-дин Дурон, ,

Општински претставник на Каен

Уште од учеството на Франција во изготвувањето на Рамковниот договор во Охрид и во воведувањето на Бадентеровиот принцип во македонскиот устав, Франција и Македонија одржуваат блиски односи.

Независно дали станува збор за економијата, културата или образованието, оствареното партнерство е симбол на конструктивна и одржлива соработка, поткрепена од желбата да се придружува Република Македонија на патот кон Европската унија.

Токму затоа на 20 октомври 2009 година, три години по потпишувањето на Протоколот за соработка, Долна Нормандија и Република Македонија потпишаа договори за соработка, со што се означи почетокот на едно долго партнерство меѓу бројни долнонормандиски и македонски чинители.

Зачната од обостраната желба да се помогне развојот на двете територии, ваквата соработка не ги поттикнува само граѓаните да се вклучат и да придонесат кон поактивно европско и локално граѓанство, туку и институциите и економските здруженија и тоа, преку реципроцитет и размени.

Манифестацијата „Балканска пролет“ на „Балкан транзит“ е совршен пример за духот на соработка и партнерство, којшто Долна Нормандија сака да го унапреди во сите свои сфери на делување.

Оваа година Македонија е нашиот почесен гостин и покрај огромното задоволство да ги угостиме уметниците од оваа пријателска земја, среќни сме и заради европските интеркултурни средби и можноста да се покажеме пред светот.

Претседателот на регионот Долна Нормандија

Шестото издание на манифестацијата „Балканска пролет“ ќе започне на 31 март со извонреден концерт во театарот „Ренесанс“ во Мондвил. Особено сме среќни што „Кралицата на Циганите“ Есма свечено ќе ја отвори манифестацијата во Каен. Не можевме ни да сонуваме за подобар почеток.

Сместена во срцето на Балканот, Република Македонија е мала земја и дом на само 2 милиони жители, но направи големи напори за да се претстави во многу светла : ќе можеме да уживаме не само во македонската музика, тука и во литературата, театарот, ликовната и современата уметност, танцот, кинематографијата, гастрономијата и занаетчиството. Така, во текот на осум недели, шестото издание на „Балканската пролет“ ќе донесе нова побогата програма и стотина средби и случувања во над триесет градови и села.

Оваа година ја одбележуваме 10-годишнината од отпочнувањето на „Балканска пролет“. И сакаме да ги отвориме вратите за земјите што веќе учествувале и за оние што допрва ќе се претстават. Токму затоа, меѓу нас ќе сретнете писатели кои ни доаѓаат од разни делови на полуостровот, како и режисери преку чии остварувања ќе добиеме слика за динамиката со која се развива тамошната кинематографија. Понатаму, ќе ја откриваме историјата на земјите од оваа нова Европа и нивната култура, која е векови стара, но се` уште жива.

Овој културен и повеќедисциплински настан е разновиден и богат и отворен за сите. Преку претставувањето на големи имиња, но и преку подавањето рака на младите уметници, оваа манифестација придонесува и за граѓанскиот туризам и за одржливиот развој. Се надеваме дека нашите напори барем малку повеќе ќе ги облагородат граѓаните и ќе ги освестат дека токму разликите не` зближуваат. Различностите се нашето најголемо богатство што сакаме да го споделиме. Оваа година одлучивме настанов да не се ограничува само на претставување култури и разни уметчнички профили, туку и да биде носител на проекти за соработка, со што ќе им се овозможи на уметниците и граѓаните на Македонија и Нормандија да работат и да учествуваат заедно во други слични балкански случувања или активности. И тоа, и во градовите и во селата.

Реализирањето на ова шесто издание беше едно од најпредизвикувачките досега и тоа, не поради што што станува збор за Македонија, туку поради финансиите. Чекање, скратување на трошоците... се` на се`, моменти на несигурност кои ја отежнаа работата. Не` загрижуваше и иднината на културата, уметноста и знаењето поради „Контра-реформата“, која доведе во прашање 70% од културните збиднувања во одредени територијални заедници. Но тоа не не` поколеба. Минатиот декември одлучивме седмото издание на „Балканска пролет“ да се случи во Хрватска, која тогаш ќе и` пристапи на Евроската унија. Тогаш, визуелната уметност ќе биде плод на хрватскиот ентузијазам и креативна енергија.

Здружението „Балкан транзит“ ја поставува масата и ве поканува да уживате во мирисите што се шират од тенџерињата, каде со радост се крчка програмата за овогодинешното шесто издание.

Лорен Поре, одговорен за манифестацијата „Балканска пролет“

За повеќе информации околу шестото издание на „Балканска пролет“ :

http://www.balkans-transit.asso.fr/