Збратимување на градови

Од 21 до 25 септември 2012 година, делегација од Општина Крушево беше во посета на Сен Жам. За време на посетата, делегацијата, составена од градоначалникот, претседателот на општинскиот совет и службеник од општината, ја посети медицинската установа, градинката, школската група и депонијата во Сен Жам. Македонската делегацијата го посети и саемот во Сен Масе. За време на овогодинешното издание на саемот беа организирани различни настани како: еко-село, забава и изложби.

По првата средба меѓу двете општини што се одржа минатиот февруари во Крушево, македонска делегација ќе замине на посета во Сен Жам од 21 до 25 септември 2012 година. За време на посетата македонската делегација ќе учествува на инагурацијата на саемот во Сен Масе на 22 септември, а ќе посети историски споменици во Областа Мон Сен Мишел, како и американските воени гробишта.

Како дел од соработката меѓу Вевчани и Ерманвил-сур-Мер предвидена е младинска размена на група од десетина млади луѓе од општина Вевчани во Ерманвил-сур-Мер, во периодот од 21 до 29 јули 2012. Предвидени се крајбрежни активности од спортски карактер, како: пливање, јахта на песок, правење летала и змејови, но тие исто така ќе учествуваат на еколошка акција за чистење на плажата. На вечерата посветена на меѓукултурно запознавање, младите ќе ја претстават Македонија и македонските игри и песни.

Петчлена делегација предводена од градоначалникот на општината Флори на Орн, Марк Лесер, од 5 до 9 јули беше во посета на општина Карпош. Делегацијата беше официјално примена од градоначалникот на Општина Карпош, Стевчо Јакимовски. Во подолгата и срдечна средба, двајцата градоначалници изразија искрена желба за соработка на повеќе полиња како што се локалниот економски развој, млади, култура, одржливиот развој (транспорт, инфраструктура и екологија) како и демократија (локална демократија и половата еднаквост).

На 12 јуни 2012 година во Скопје, се одржа вториот состанок на работната група на градовите и општините од Република Македонија кои се вклучени во соработка со локалните власти од регионот Долна Нормандија. На состанокот, организиран од страна на Канцеларијата на соработката од Македонија и Заедницата на единиците на локална самоуправа (ЗЕЛС), учествуваа претставници на општините на Карпош, Велес, Крушево, Берово и Дебар.