Од 24 август до 1 септември 2013 година, 36 млади од Франција, Македонија и Бугарија се сретнаа на нормандиското крајбрежје со цел да разменат знаења за европските вредности и еко-граѓанството.
Како дел од тригодишната соработка меѓу општините Вевчани и Ерманвил од Долна Нормандија, во периодот од 23 до 31 јули 2013 година се одржа младинска размена од Ерманвил во општина Вевчани. Дванаесет млади од Долна Нормандија имаа можност да се запознаат со збратимената македонска општина.
На 19 јуни 2013 година, претставниците на работната група на градовите во соработката, од Долна Нормандија, одржаа состанок во Каен. Со учество на Регионалниот совет на Долна Нормандија и организацијата Солидарни Хоризонти, општините: Ив, Шербур, Ливаро и Флери-сур-Орн, разговараа за активностите во соработката со градовите од Македонија.
На 20 јуни 2013 година во Скопје се одржа состанок на работната група на општините од Република Македонија кои соработуваат со општини од регионот Долна Нормандија. На средбата која беше организирана од страна на канцеларијата на соработката меѓу Долна Нормандија и Македонија во Скопје и Заедницата на единиците за локална самоуправа (ЗЕЛС)присуствуваа претставници од општините Карпош, Велес, Берово, Охрид и Дебар.
Проектот за допишување меѓу учениците од Берово (МК) и Ливаро (ФР), во рамките на проектот за децентрализирана соработка, продолжува непречено да се реализира. Така, на 24 јуни 2013, учениците од Берово и Ливаро добија почесни дипломи за меѓусебните допишувања. По тој повод, градоначалникот на Берово им го честиташе успехот на младите Беровчани, доделувајќи им ги дипломите.
Остварена првата видео-конференциска врска помеѓу учениците од Општина Берово (MK) и Општина Ливаро (ФР) | Како резултат на соработката на градовите во рамките на децентрализираната соработка меѓу Регионот Долна Нормандија и Македонија, учениците од македонската општина Берово се запознаа со учениците од општината Ливаро од Долна Нормандија, по пат на видео-конференција.
Од 16 до 18 декември 2012 година делегација од Општина Карпош беше на официјална посета во Општина Флери-сур-Орн, Долна Нормандија. Целта на посетата беше да се зајакне партнерството воспоставено за време на првата средба меѓу двете општини во јули 2012 година во Македонија и да се дефинираат темите на идна соработка.
Во Дебар, во месец октомври 2012 година, по единаесетти пат беше одржан фестивалот „Албански театар во Македонија“. По тој повод, театарска група од збратимениот град Иф беше поканета да учествува на фестивалот со своја изведба. Покрај театарската група од Иф, на фестивалот своја изведба имаа и театарски трупи од Македонија, Албанија, Косово и САД. Театарската група од Иф учествуваше на фестивалот со претставата „И крилјата мои се искинати како хартија“ и доби специјална награда.
