„Што претставува за вас интернетот и социјалните мрежи?“

Во рамките на проектот за децентрализирана соработка помеѓу Македонија и Долна Нормандија, Метаморфозис и Институтот за човекови права и мир од Каен подготвија анкета на тема како и колку се користи интернетот и социјалните мрежи. Целта на оваа анкета е да се добие реална слика за перцепцијата на интернетот кај корисниците.

 

Оваа анкета е дел од првата фаза на проектот кој работи на подигање на свеста за човековите права на интернет. Со таа цел, ќе биде изготвен дигитален педагошки прирачник наменет за професори и обучувачи кои работат со млади на возраст од 17 до 25 години. Во него ќе бидат обработени прашањата за приватноста и слободното изразување на интернет.

 

Во анкетата „Што претставува за вас интернетот и социјалните мрежи?“ пополнувана на интернет, анкетирани се околу 150 корисници, каде поголемиот дел се на возраст од 26 до 40 години (51% од испитаниците). Резултатите од анализата, на француски јазик можете да ги прочитате тука.