Баруф Оркестар е невообичаена група со оригинална визија. Оваа група на музичари иако доаѓа од Каен, од францускиот регион Долна Нормандија, се вбројува во музичката традиција од Централна и Источна Европа. Нивна цел е да придонесат во зачувувањето на традиционалното музичко наследство кое потекнува од Балканот преку исполнување и ширење на таа народна музика во Долна Нормандија. Нивната работа опфаќа голем број на размени и настапи во соработка со други музичари и музички структури од балканските земји.
На 25 март 2014 година, во Скопје се одржа средба на македонските партнери на програмата за децентрализирана соработка меѓу Долна Нормандија и Македонија. Партнерите, Министерства, општини, здруженија на граѓани и институциите кои се вклучени во соработката, ја одбележаа новата етапа на соработка за периодот од 2013 до 2016 година.
За потребите на оваа програма, бараме асистент/ка на проект кој ќе биде ангажиран/а во Канцеларијата за децентрализирана соработка помеѓу Долна Нормандија и Македонија во Скопје. Асистентот/ката на проект ќе биде вклучен/а во организацијата на активностите од проектот, во координацијата и во комуникацијата помеѓу засегнатите страни на проектот. За повеќе информации : www.bn-mk.org.
На 9 јануари 2014 година, членовите на Програмата за мултилатерална децентрализирана соработка Франција-Балкан одржаа состанок во Париз. На средбата се дискутираше за изминатите активности во рамките на оваа соработка, но посебен акцент беше ставен на продолжувањето на соработката во следните 3 години. Повеќе од 15 претставници на локалните и регионалните власти од Франција, меѓу кои и регионот Долна Нормандија, дискутираа за начинот на кој ќе се продолжат активностите со партнерите од Југоисточна Европа.
Канцеларијата на соработката Долна Нормандија/Македонија, претставувана од подружницата АЛДА Скопје, доби акредитација да делува како организација за испраќање, примање и координација на европскиот волонтерски сервис (ЕВС), во рамките на програмата Млади во акција. Европскиот волонтерски сервис ги промовира младите, мобилноста, активното граѓанско учество, солидарноста и неформалното образование, како и меѓукултурниот дијалог.
Седум претставници на локалните власти од Македонија, воедно и партнери во соработката меѓу Долна Нормандија и Македонија, учествуваа на обуката – Граѓанско учество и можности за финансирање со цел да се поддржат иницијативите за учество. Обуката, организирана од страна на АЛДА и на регионот Дона Нормандија, се одржа од 18 до 22 ноември во Стразбур.
На 8ми ноември во Скопје се одржа салонот за студии во Франција. Овој настан, организиран од Францускиот културен институт во Скопје и Амбасадата на Франција, на младите луѓе, нивните родители, како и на македонските професори им овозможи да се сретнат со претставници на различни француски универзитети. Целта е да се добијат информации за студиските програми кои им се достапни на македонските студенти, како и информации за постапката која треба да се исполни.
Во текот на месец октомври, Флер Елуин, млада ликовна уметничка од Долна Нормандија, оствари едномесечен ликовен престој во Македонија. Ова искуство ѝ беше овозможено благодарение на финансиската поддршка на Францускиот институт во Париз и регионот Долна Нормандија.
На 24ти и 25ти октомври 2013 година, во Тирана, Албанија, се одржа второто заседание на членовите на Децентрализираната соработка Франција-Балкан. Тоа беше организирано од страна на Амбасадата на Франција во Тирана, во соработка со Делегацијата за надворешно делување на територијалните заедници при Министерството за надворешни работи (DAECT) и Француското здружение при Советот на општини и региони на Европа. Соработката помеѓу Долна Нормандија и Македонија на повеќе наврати беше презентирана во текот на овие два дена. Г.
