e premte 22 qershor 2012

Le Courrier de la Macédoine / Gllasnikot

Adresa:
Le Courrier de la Macédoine / Gllasnikot
Nikola Tesla 18-2
1000 Shkup
Maqedoni
Tel. : +389 2 30 72 040
Posta elektronike : glasnikot@yahoo.com

Historiku i shoqatës :

E themeluar nga një strukturë joformale të krijuar në vitin 2003 nga ana e përkthyesve dhe studentëve të Katedrës për Përkthim/Interpretim pranë Universitetit “Shën Qirili dhe Metodi” (Shkup); «Courrier de la Macédoine (CdMk)/Gllasnikot» (“Korrieri i Maqedonisë”) është strukturuar në një shoqatë me të drejta të plota legale në vitin 2005. Së shpejti pas kësaj, shoqata është zgjeruar duke përfshirë gazetarë profesionistë dhe studentë të gjuhës frënge nga Universiteti i Evropës Juglindore (Tetovë).

Organizata «Courrier de la Macédoine» bën përzgjedhjen dhe përkthimin e artikujve më të mirë që botohen në shtypin e Maqedonisë (prej gjuhës maqedonase dhe gjuhës shqipe në gjuhën frënge). Njëlloj, gazetarët japin kontributin e tyre me shkrime për shoqatën. Më pas, artikujt e përkthyer dhe të lekturuar redaktohen dhe botohen në faqen elektronike të «Courrier des Balkans» (balkans.courriers.info.

Qëllimet dhe misioni i shoqatës :

Shoqata «Courrier de la Macédoine» është një asociacion i qytetarëve; por nuk është fitimprurës. Ajo ka për qëllim që të krijojë një platformë për shkëmbime mediatike dhe gazetareske ndërmjet Republikës së Maqedonisë dhe shteteve frankofone. Shkëmbimet e tilla kanë kryesisht dy forma :

1. Përkthimi në gjuhën frënge të artikujve nga shtypi maqedonas dhe botimi i tyre në faqen elektronike të «Courrier des Balkans». Portali «Courrier des Balkans» që nga shtatori i vitit 1998 bën realizmin e shpërndarjes së publikimeve të natyrës elektronike, informatat e preferuara dhe analizat e shtypit demokratik në rajonin e Ballkanit. Artikujt e përkthyera dhe të publikuara nga ana e “Courrier de la Macédoine” janë të zgjedhur si prioritet interesi dhe sipas përmbajtjes informative, por edhe për t’i mundësuar shoqërisë maqedonase debate të ndërlidhura me temat që i brengosin dhe i shqetësojnë me tepër ata. 2. Paralelisht, «Courrier de la Macédoine» organizon brenda shtetit: seminare, konferenca dhe veprime të senzibilitetit në lidhje me praktikën gazetareske dhe botën e mediave.

Qëllimi i këtyre veprimeve është që të bashkohen gazetarët e Maqedonisë me homologët e tyre të cilët vijnë nga shtetet frankofone dhe që më pas të ofrohen mundësi për shkëmbimin e ideve dhe të praktikave të ndryshme.

Aktivitetet e «Courrier de la Macédoine» synojnë përfshirjen e të gjithë qytetarëve të interesuar ose të gjithë atyre që kanë lidhje me funksionimin e mediave dhe që kanë shprehur dëshirë për të marrë pjesë në shkëmbimin e ideve në fushën përkatëse në jetën publike.

Ekipi i «Courrier de la Macédoine»:

Ekipi i «Courrier de la Macédoine» është i përbërë nga rreth pesëmbëdhjetë persona që janë aktiv në dy fushat profesioniste: përkthim / interpretim (maqedonisht-frëngjisht ose shqip-frëngjisht) dhe në fushën e gazetarisë. Përfaqësuesit e degës « përkthim/interpretim » janë profesionistë dhe studentë të Universitetit “Shën Qirili dhe Metodi” në Shkup ose të Universitetit të Evropës Juglindore në Tetovë. Përfaqësuesit e degës së gazetarisë janë profesionistë të rinj që punojnë për mediat maqedonase.

12 persona (2 të punësuar):

- Thomas Claus, gazetar, profesor i frëngjishtes pranë Universitetit të Evropës Juglindore në Tetovë, kryeredaktori i «Courrier de la Macédoine»
- Ilinka Gicova, koordinatore e «Courrier de la Macédoine»

- Ana Acevska, përkthyese nga gjuha maqedone, Kryetare e «Courrier de la Macédoine»;
- Viktor Zakar, përkthyes nga gjuha maqedone, sekretari i «Courrier de la Macédoine»;
- Faredin Aeti, përkthyes nga gjuha shqipe;
- Ivana Dimitrovska, përkthyese nga gjuha maqedone;
- Katarina Gjurcevska, përkthyese nga gjuha maqedone;
- Afrim Jashari, përkthyes nga gjuha shqipe;
- Katerina Kirovska, përkthyese nga gjuha maqedone;
- Ivana Magdenoska, përkthyese nga gjuha maqedone;
- Marija Nikolova, përkthyese nga gjuha maqedone;
- Kristina Velevska, përkthyese nga gjuha maqedone.

Aktivitetet e «Courrier de la Macédoine» :

Aktivitete afatgjatë : përkthimi dhe botimi i artikujve informative nga Maqedonia

2008

4 mars : Realizimi i një tryeze të rrumbullakët me temë « Mobiliteti i studentëve »

Financimi: Këshilli Rajonal i Normandisë së Poshtme, Ministria e Punëve të Jashtme, PricewaterhouseCoopers zyra Maqedoni

4 qershor : Realizimi i një tryeze të rrumbullakët me temë « Mediet lokale maqedonase ballafaqohen me sfidat »
Financimi: Këshilli Rajonal i Normandisë së Poshtme, Ministria e Punëve të Jashtme, PricewaterhouseCoopers zyra Maqedoni

6 dhe 7 qershor : punëtori për promovimin e Frankofonisë në Maqedoni
Financimi : Agjencia e Rinisë dhe Sportit në Maqedoni

2007-2008

Projekt bashkëpunimi në fushën e mediave dhe shoqërisë informative Bashkëpunimi në fushën e decentralizmit në mes Rajonit Normandi e Poshtme dhe Maqedonisë, në partneritet me shoqatën franceze «Le Courrier des Balkans»
Financimi : Ministria e Punëve të Jashtme e Francës dhe Këshilli Rajonal i Normandisë së Poshtme

2006

Studime fizibiliteti për bashkëpunimin e decentralizuar në rajonin e Normandisë së Poshtme me Maqedoninë
Koordinimi dhe implementimi i projekteve për bashkëpunim të decentralizuar në të cilën janë përfshirë një numër partnerësh nga Normandia dhe Maqedonia, në partneritet me shoqatën maqedonase “Le Courrier de la Macédoine”. Zhvillimi i faqes elektronike së Maqedonisë në kuadër të «Courrier des Balkans»
Financimi : Këshilli Rajonal i Normandisë së Poshtme

Partnerë / Financierë :

Në Maqedoni :

- Ambasada e Francës në Shkup
- Qendra Kulturore Franceze në Shkup
- Aleanca Franceze në Manastir dhe në Tetovë
- Agjencia e Rinisë dhe Sportit e Maqedonisë
- Universiteti “Shën Qirili dhe Metodi” (Shkup)
- Universiteti i Evropës Juglindore (Tetovë)
- Corba Diffusion (Shkup)
- Metamorphosis (Shkup)
- Lokomotiva (Shkup)
- Monitor (Shkup)
- Bitolski Vesnik (Manastir)
- PriceWaterhouseCoopers Maqedoni
- etj.

Në Francë :

- Le Courrier des Balkans
- Ambasada e Maqedonisë në Francë
- Këshilli Rajonal i Normandisë së Poshtme
- Shoqata e Agjencive për Demokraci Lokale
- etj.

Plani i internet faqes | © Conseil Régional de Basse-Normandie - Tous droits réservés
Région Basse-Normandie République de Macédoine Ministère des Affaires étrangères et européennes ALDA